Pilipinas, ikokonsagra at ipagkakatiwala sa Puso ni Maria

Iniutos ng CBCP ang consecration ng buong Pilipinas sa Kalinis-linisang Puso ni Maria. Gaganapin ito sa Memorial of the Immaculate Heart of Mary (June 8). Pagpatak ng 10 ng umaga ay sabay-sabay na ipagdiriwang ang Banal na Misa at dadasalin ang Consecration prayer sa lahat ng katedral, shrines, parishes at chapels sa bansa.

Napapanahon ang hakbanging ito ngayong ipinagdiriwang natin ang Taon ng Pananampalataya at pinaghahandaan ng bansa ang ika-500 taon ng pagdating ng Katolisismo o Kristiyanismo sa Pilipinas. Tunay ngang ang bansa natin ay isang "bayang sumisinta kay Maria". Siya ang modelo natin at gabay sa gitna ng mga hamong hinaharap ng lipunan ngayon. 

Click: (CBCP Pastoral Exhortation)

Narito ang panalangin ng Consecration mula sa booklet ng CBCP:

The Annunciation and Mary's Response

Click: (Readings for the Solemnity of the Annunciation)

Ngayon ipinagdiriwang ang Solemnity of the Annunciation of the Lord dahil ang original date nito, March 25, ay pumatak ng Monday of Holy Week. Ang buong Holy Week at ang buong week after Easter Sunday (Easter Octave) ay may liturgical precedence na tinatawag. Mas mataas ang rank ng mga liturgical observances na ito kaya't na-move ang Annunciation sa sumunod na araw na pwede, ang Monday of the Second Week of Easter, April 8.

March 25 nga ang original date ng Annunciation, exactly 9 months bago ang pagdiriwang ng Pasko. Sa sandali kasi ng pagsang-ayon ni Maria sa mensahe ng Anghel Gabriel, bumaba sa kanya ang Espiritu Santo and she conceived Jesus in her womb. Ang 9 months na pagitan ng Annunciation at Pasko ay tanda na si Jesus ay totoong Diyos at totoo rin namang naging tao; totoong ipinaglihi Siya at dinala sa sinapupunan ng Kanyang ina.

Ang imahe ng Annunciation ay talagang napakaganda. On the one hand, makikita natin dito ang pagkilos ng Diyos. Simula pa lang ng unang magkasala ang tao, inihayag na ng Diyos ang plano Niyang kaligtasan. Sa Annunciation, narito't nakikita natin ang "babae" na itinakda ng Diyos para maging ina ni Jesus. Sa eksenang ito, nakikita natin na papalapit na ang kaligtasang matagal nang inihahanda ng Diyos. Paparating na si Jesus, ang "Diyos na nagliligtas" na matagal nang hinihintay ng Israel.

Sa kabilang dako naman, makikita natin kay Maria ang pagsang-ayon sa kalooban ng Diyos. Dahil dito, naging mahalagang bahagi siya ng kasaysayan ng ating kaligtasan. Ipinakita ni Maria ang isang dakilang pagsunod sa Diyos sa kabila ng kawalang-kasiguruhan. Dapat nating tularan si Maria na marunong tumalima sa kalooban ng Diyos. Tulad niya, we need to learn to cooperate with God's plan in our life. Hindi man natin maintindihan ang lahat, dapat tayong magtiwala sa plano ng Diyos. Ganun dapat ang ating faith.

Sa panahon ngayon, marami na ang sumusuway at tumutuligsa sa kalooban ng Diyos na pinahahayag Niya sa pamamagitan ng Kanyang Simbahan. Binigyan ni Jesus ng authority ang Simbahan "to bind and loose". Binigyan Niya rin ng kasiguraduhan ang Simbahan na hindi siya magkakamali dahil gagabayan siya ng Espiritu Santo. Kaya't kung paanong naniwala si Maria at tumalima sa kalooban ng Diyos na sinabi ng anghel, dapat rin tayong tumalima sa kalooban ng Diyos na nalalaman natin sa mga turo at paggabay ng Simbahan.

"Be it done unto me according to your word." Nawa ito rin ang maging panalangin natin sa araw-araw. At nawa ito rin ang ating maging tugon sa kalooban ng Diyos. Kung magagawa natin ito, tunay na magiging bahagi tayo ng pagkilos ng Diyos sa mundo.

SEMANA SANTA: Lunes Santo

Isang litro ng mamahalin at mabangong langis ang ipinahid ni Maria ng Betania sa mga paa ni Jesus. Buhok naman niya ang ginamit niyang pantuyo sa mga ito. Isa itong kahanga-hangang pagpapakita ng debosyon at pagmamahal kay Jesus na malugod naman Niyang tinanggap.

(Click: Readings for Monday of Holy Week)

Naiskandalo dito si Judas. Sana ay ipinagbili na lang daw ang langis upang makatulong sa mga mahihirap. Hindi man ito ang tunay na pakay ni Judas, hindi rin naman tinanggi ni Jesus ang halaga ng sinabi niya. Mahalaga ang pagtulong sa mga mahihirap. Ngunit binigyang diin ni Jesus na mahalaga rin ang pagpapakita ng pagmamahal sa Kanya. Nagsalita rin si Jesus ukol sa paglilibing sa Kanya, kaya't sa Ebanghelyo ngayon ay tila naihahanda na tayo sa darating na liturhikal na paggunita ng Kamatayan ni Jesus.

Marahil labis ang ipinakitang debosyon at pagmamahal ni Maria kay Jesus, ngunit hindi ba't marapat lamang ang todo bigay na pagtugon sa todo bigay ring pagmamahal ni Jesus sa atin na ipinakita Niya sa kamatayan Niya? Ang pagbuhos ng isang litrong mamahaling langis sa paa ni Jesus, kung tutuusin, ay hindi maikukumpara sa pagbuhos o pagdanak ng Banal na Dugo ng ating Panginoon. Ngunit ito ay napakaganda pa ring halimbawa ng pagmamahal sa Diyos na walang hesitations at walang holding back. Isang litrong mamahaling langis yun, imagine?

Sa ating Ebanghelyo ngayon ay nabanggit din si Lazaro, ang kaibigang binuhay na muli ni Jesus. Tila pagtanaw rin ito sa mga alam na nating magaganap pagkatapos ng Kamatayan ni Jesus. Generous ang Diyos dahil binigay Niya sa atin si Jesus upang mamatay at magbigay buhay sa atin. 

Katulad ni Maria, Marta at Lazaro sa Ebanghelyo natin ngayon, nawa ay maging magiliw din tayo sa ating Panginoong Jesus. Huwag nawa nating ipagkait sa Kanya ang mga the best na maaari nating ibigay: ang ating sarili, ang ating pananampalataya at pagtalima sa kalooban ng Ama tulad ng ginawa Niya, at ang ating pakikiisa sa todo bigay Niyang pagmamahal. Huwag rin nawa tayong maging madamot sa pagbibigay sa kapwa at sa Simbahan, ang Kanyang Katawang Mistiko kung saan tayo ay bahagi rin naman.

Kung handa rin tayong magbuhos ng isang litrong mamahalin at mabangong langis, sa buong mundo ay kakalat ang bango ni Jesus at ng Kanyang Simbahan!